allauto.ge

ხილვადობა გზაზე – გზის მონაკვეთი, რომელსაც ხედავს მძღოლი.
საგზაო მოძრაობის წესების მიხედვით “არასაკმარისი ხილვადობა” – როცა გზის ხილვადობა 300 მ-ზე ნაკლებია ნისლის, წვიმის, თოვის და მსგავსი მოვლენების, ასევე ბინდის დროს. ხოლო “დღე-ღამის ბნელი დრო” – დროის მონაკვეთი საღამოს ბინდიდან დილის ბინდ-ბუნდამდე.
შეცდომის ალბათობა მზიან დღეს ნორმალური მხედველობის პირობებში შემხვედრ ავტომობილამდე მანძილის განსაზღვრისას შეადგენს 100 მ-ის დაშორებისას 10 %-ს და 1 კმ-ის დაშორებისას 25%-ს, ღამის პირობებში კი შეცდომის ალბათობა იზრდება რამდენჯერმე. 100 კმ/სთ სიჩქარით მოძრაობისას მძღოლი თვალების ბუნებრივი ხამხამის გამო გზის ყოველ მონაკვეთზე დაახლოებით 260 მ-ს გაივლის “ბრმად”.
ბნელ პერიოდში არსებითად იზღუდება გზისა და მიმდებარე გარემოს ხილვადობა. ქუჩის განათებისაგან დამოუკიდებლად ავტომობილზე უნდა ენთოს ახლო ან შორი ნათების ფარები.